Handelsverdrag uit 1360

Bron

De stad Keulen had een verdrag gesloten met de burgers van de Gelderse steden - met uitzondering van Roermond, Venlo en Nieuwstad - en had de steden vrijheid van handel gegeven.

Herkomst

Datering	17-03-1360
Collectie	1 Bestuurlijk Archief der Stad Nijmegen 1196 - 1810
Organisatie	Regionaal Archief Nijmegen
Nummer	4673
Link	https://hdl.handle.net/21.12122/16715151

Gerelateerde thema's

Middeleeuwen

Trefwoorden

Handel

Beschikbare tools

Overzicht van alle transcripties

Overzicht van bron(nen) op de kaart

Wir Richtere, scheffene rait und die burgere ghemeynlichen der Stat van Colne, doin kunt allen

luyden ind bekennen want die durchluchtige vurste ind hogeboiren herren, her Reynolt hertzoige zu

Gelren ind Greve zu Zuytphen ind her Edewart van Gelren, gebruedere, eyne met yren steiden, mit

uns eynre soenen ind vruntschap van den wijnen ind van dem gude, die onsen burgeren van Colne

in dem lande van Gelren zu Nijmegen genommen wairen, verdragen haint na formen ind geleigeheit

des briefs den sij uns darup oevergegheven haint, besegelt mit segelen der herren ind der stede van

Gelrelantde vurs[eid]. So han wir vur uns ind vur onse burgere van Colne as van deser vers[eide] sacken

ind naimen die zu Nijmegen geschiet is vurwerde ind velicheit gegheven ind ghenen oever mitz

desen brief alle den ghienen die in dem lande van Gelren gesessen synt, uyssgescheiden doch den van

Ruremunde, van Venle ind van der Nyerstat bis zer zijt dat sij den vurgen[oemde] brief mit den anderen

steden besiegelt haint. Ind irre yeclichine zu Colne in onse stat ind dar enboven zu komen ind zu

varen ind yre komantschap zu hantyeren ind zu driven, ja in alle der vurwerden ind manyeren as

die vurs[eide] brief innehelt den sij uns dar up gegheven haint. Ind werit sache dat sij of yrre eyn-

ghen yeman auspreeche of arrestierde zu Colne in onser stat umb eynche sache of schoilt der sy

selver nyet schuldich en weren of dar vur dat sij sich slever nyet verloift noch verbinden hetten,

ind die sij noch yre stat da sij inne gesessen weren, of yemant anders vur sij nyet besiegelt en het-

ten, darvur mogen sij yre unschoilt dam ind sich der quyten mit yrem eyde. Uyssgescheiden doch

alsulche sachen as van bruchen ind van missedait an dat gerichte treffent, dar van solen sij doin

ind lijden as der steide recht is zu Colne. Alle argelist hie an uyssgescheiden. Ind deser dinge zu

urkunde ind steetgheit so hain wir onser steide segele ad causas an desen brief doin hancgen

die gegheven is in den jayren unss Herren duysent druyhondert ind seistzich up Sente Girtruden

dach der Heiliger Jonfrauwen.

Beschikbare lokalen:

Handelsverdrag uit 1360

Herkomst

Gerelateerde thema's

Trefwoorden

Beschikbare tools

Gerelateerde bronnen

Beschikbare lokalen:

Handelsverdrag uit 1360

Herkomst

Gerelateerde thema's

Trefwoorden

Beschikbare tools

Gerelateerde bronnen

De Hanzesteden van Gelre